Veneno (Fortóns-Cedeira)
O Motivo.
Polo seu mal humor.
A Persoa.
Descoñezo si é un alcume herdado, do que si teño constancia é que recibían o alcume polo menos dous irmáns dun total de catro ou cinco. Estes eran:
Fermín Alonso Montes. Vivía no Muro (Vilavella). Era zapateiro e co tempo chegou a ter unha zapatería na praza Constitución, que pecharía a finais dos setenta. E posible que o alcume llo puxeran a el e pasara ó seu irmán, porque a xente coincide en que tiña un caracter complicado.
Edelmiro Alonso Montes foi xefe da Garda Municipal, cesando en 1945 por pasar á situación de mutilado.
Anécdotas.
Fermín protagonizou, moi ó seu pesar, unha anécdota con Douglas.
Peor foi o caso de Edelmiro. Nos anos da posguerra, cando pasaba pola vila unha comitiva da Falanxe todo o pobo tiña que saudar coa man ben estirada. Nunha destas, un grupo de falanxistas ó mirar a Edelmiro saudando, baixaron do coche pensando que os estaban a saudar co puño apretado. Se non chega a ser polos veciños que alarmados lles gritaron que era un mutilado, ese día Edelmiro leva unha tunda. O coitado perdera todos os dedos da man dereita agás o pulgar.